Ukraynanın Tiflisdəki müvəqqəti işlər vəkili Aleksandr Şulqa Gürcüstan Xarici İşlər Nazirliyinə çağırılıb.
Məlumata görə, bu, “Georgian Airways”ə qarşı sanksiyaların tətbiqi ilə bağlıdır.
Belə ki, iyulun 1-də Ukrayna Prezidenti Volodimir Zelenski 190 fiziki və 290 hüquqi şəxsə qarşı şəxsi sanksiyalar haqqında qərarı imzalayıb. Siyahıda Rusiyaya uçuşları bərpa edən Gürcüstanın “Georgian Airways” aviaşirkəti də var.
Xatırladaq ki, mayın 16-da “Georgian Airways” Rusiya ilə birbaşa uçuşlar üçün icazə alıb.
Mənbə: rbc.ua
