Qazaxıstan prezidenti Tokayev MDB baş katibinin keçmiş müavini Abayevi Rusiyaya yeni səfir təyin edib.

Qaziler.az Rusiya mətbuatına istinadən bildirir ki, Qazaxıstan Prezidenti Kasım-Jomart Tokayev Dauren Abayevi Qazaxıstanın Rusiyadakı yeni səfiri təyin edib. Dauren Abayev Müstəqil Dövlətlər Birliyinin keçmiş baş katibinin müavini və keçmiş mədəniyyət naziridir. 

Dövlət başçısının sərəncamında deyilir: “Abayev Dauren Askerbekoviç Qazaxıstan Respublikasının Rusiya Federasiyasında fövqəladə və səlahiyyətli səfiri təyin edilib”.

İyunun 16-da Kasım-Jomart Tokayev Yermek Koşerbayevi Qazaxıstanın Rusiyadakı səfiri vəzifəsindən azad edərək Şərqi Qazaxıstan vilayətinin administrasiyasının rəhbəri təyin edib.

QAZİLER.AZ