“Vaqner” adlı özəl hərbi şirkətin Rusiyada çevriliş cəhdi Putin rejiminin zəifliyini göstərdi.

Qaziler.az RBC-Ukrayna-ya istinadən xəbər verir ki, bunu İtaliyanın xarici işlər naziri Antonio Tayani deyib.

"Bu daxili eskalasiya Rusiya ordusunu parçalayır. Bu, muzdlular legionunu dəstəklədiyiniz və maliyyələşdirdiyiniz zaman qaçılmaz nəticədir", - deyən Tayani əlavə edib: “Vaqner”çilərin hərəkətləri nəticəsində Rusiya cəbhəsinin zəifliyi və Ukraynada sülhün yaxınlaşdığı haqqında artıq danışmaq olar.

Nazir bildirib ki, Rusiyanın genişmiqyaslı işğalı Rusiya diktatoru Vladimir Putin üçün bumeranq olub.

"Ruslar qalib gələ bilmədilər, blitskrieqdə uğursuz oldular. İndi onlar hərbi aparatın problemlərinin və ziddiyyətlərinin əvəzini ödəyirlər", - italiyalı nazir bildirib.

Nazir xüsusilə ümid etdiyini bildirib ki, üsyana cəhddən sonra Ukrayna Silahlı Qüvvələrinin əks-hücum əməliyyatı “daha ​​da sürətli olacaq və ukraynalılar öz müstəqilliklərini bərpa edəcəklər”.

QAZİLER.AZ