Polşa prezidenti Anjey Duda mütəmadi olaraq Ukraynanı Rusiya ilə “kompromis”ə çağıran ölkələrə öz ərazilərindən imtina etməyi təklif edib.

Qaziler.az bildirir ki, bu barədə RBC-Ukrayna Anjey Dudanın ukraynalı jurnalistlərə müsahibəsində verdiyi açıqlamaya istinadən xəbər verir.

O qeyd edib ki, əgər bəzi liderlər kompromis naminə asanlıqla ərazi güzəştlərinə getməyə hazırdırlarsa, o zaman öz dövlətlərinin ərazilərindən imtina etsinlər.

"Ukrayna Donetski, Luqansk və Krımı geri qaytarsın və kim Rusiyaya öz ərazisinin bir hissəsini vermək istəyirsə versin. Haydı, irəli! Düşünürəm ki, Rusiya Federasiyası, məsələn, Aralıq dənizi sahilində gözəl bir parça alsa, xoşbəxt olacaq", - Duda vurğulayıb. 

Polşa prezidenti həmçinin qeyd edib ki, Rusiyaya Ukraynaya qarşı müharibədə qalib gəlməyə imkan vermək olmaz, çünki təcavüzkar başqa ölkələrə hücum edəcək. O əlavə edib ki, müharibənin ədalətli başa çatması üçün yeganə şərt dövlətimizin qələbəsi olacaq.

QAZİLER.AZ