ABŞ Almaniya ərazisində B61-12 nüvə bombaları yerləşdirir. APA TV-nin ZDF-ə istinadən xəbərinə görə, bu bombalar Almaniya təyyarələrinin istifadəsi üçün nəzərdə tutulub.

Alman mənbələrinin ABŞ-ın Hərbi Hava Qüvvələrinin büdcəsini öyrəndikdən sonra gəldikləri qənaət budur ki, Amerika Almaniya qırıcılarının bu bombalara adaptasiya olunması üçün vəsait də ayırıb.

Bu arada Rusiyanın Xarici İşlər Nazirliyinin rəsmisi Mariya Zaxarova qeyd edib ki, bu addımla ABŞ nüvə silahının yayılmaması haqqında sazişi kobudcasına pozur.

"Bizi narahat edən odur ki, nüvə silahına malik olmayan ölkələr NATO-nun strateji maraqları çərçivəsində bu cür təhlükəli formada istifadə olunur", deyə Rusiyalı diplomat bildirib.