İlon Maskın böyük səs-küy yaradan “Neuralink” layihəsi çərçivəsində bu ildən insanların beynində çiplərin taxılmasına başlanılır.

Qaziler.az xarici mediaya istinadla xəbər verir ki, beynə yerləşdiriləcək çip sayəsində insanlarla kompüterlər arasında birbaşa əlaqə yaratmaq məqsədi ilə yola çıxan İlon Maskın “Neuralink” layihəsi 2020-ci ildə heyvanlar üzərində sınaqdan keçirilib.

İnsanları və kompüterləri birləşdirmək üçün ultra yüksək zolaqlı beyin-maşın interfeyslərini inkişaf etdirməyə çalışan “Neuralink” beyin pozğunluqlarını müalicə etməyə, insan beynini qorumağa və təkmilləşdirməyə kömək edəcək və nəticədə insanları süni intellektlə birləşdirəcək.

Mövzu ilə bağlı açıqlama verən İlon Musk bu il bitmədən insan beyninə çip yerləşdirmə testlərinin başlayacağını açıqlayıb.

QAZİLER.AZ