Məxfi sənədlərin düzgün saxlanmaması ilə bağlı təqsirli bilinsəm belə, ölkədə ən yüksək dövlət postu uğrunda mübarizədə iştirakdan imtina etmək niyyətində deyiləm.

AZƏRTAC xəbər verir ki, bu barədə ABŞ-ın keçmiş prezidenti Donald Tramp Amerikanın “Politico” qəzetinə müsahibəsində bildirib.

“Mən heç vaxt mübarizəmi tərk etməyəcəyəm. Baxın, mən getmək istəsəydim, 2016-cı ildə ilkin prezidentlik yarışından əvvəl çıxıb gedərdim. Çətin idi. Nəzəri cəhətdən mümkün deyildi”, - deyə keçmiş ABŞ lideri qeyd edib.

Nəşrin qeyd etdiyi kimi, respublikaçıya qarşı irəli sürülən ittihamlar onun Ağ Ev uğrunda mübarizədə iştirakını mümkünsüz etmir.