Amerika Birləşmiş Ştatları və Səudiyyə Ərəbistanı Sudanda  müharibə edən tərəflər arasında barışıq rejiminin bərpası ilə bağlı danışıqları bərpa edib. Afrika ölkəsində səkkizinci həftədir ki, döyüşlər gedir.

Qaziler.az bildirir ki, bu barədə AFP xəbər verir.

Birləşmiş Ştatlar və Səudiyyə Ərəbistanının vasitəçiliyi ilə əldə edilmiş atəşkəsin son dəfə beş gün uzadılması cəhdi rəsmən şənbə günü, iyunun 3-də başa çatsa da münaqişənin yumşaldılmasına dair heç bir əlamət yoxdur.

Sudanda əvvəllər razılaşdırılmış sükut rejimlərinin bir neçə dəfə pozulmasına baxmayaraq, Vaşinqton və Ər-Riyadın barışıq çəhdləri davam edir.

Krallığın xarici işlər nazirliyi bildirib ki, Sudanın nizami ordusu və hərbiləşdirilmiş Çevik Müdaxilə Qüvvələri əvvəllər atəşkəs danışıqlarının pozulmasına baxmayaraq, Səudiyyənin sahilyanı Ciddə şəhərində qalıb, 

Səudiyyə Ərəbistanı qeyd edir ki, xarici vasitəçilər tərəfləri “hərbi əməliyyatların dayandırılmasına nail olmaq üçün yeni atəşkəs barədə razılığa gəlməyə və ona səmərəli şəkildə riayət etməyə” çağırıblar.

QAZİLER,AZ

mənbə: RBK-Ukrayna