Ukrayna müharibədən sonra ayrı-ayrı NATO üzv ölkələrindən təhlükəsizlik zəmanəti ala biləcək. Amma bu, NATO-ya tam hüquqlu üzvlük olmayacaq.

RBC-Ukrayna Almaniya hökumətinin saytındakı brifinqin mətninə istinadən xəbər verir ki, bunu iyunun 1-də Avropa liderlərinin Moldovada keçirilən sammitində Almaniya kansleri Olaf Şolts deyib.

"Hər kəsə aydındır ki, indi söhbət Ukraynanı dəstəkləməkdən gedir və xüsusən də indiki vəziyyətdə söhbət üzvlükdən gedə bilməz. Bu baxımdan, biz hamımız ayrı-ayrı dövlətlər olaraq Ukraynanı necə dəstəkləyə biləcəyimizə diqqət yetirməliyik".

Onun sözlərinə görə, bu, NATO-ya üzv dövlətlərin yerinə yetirdiyi bir vəzifədir, lakin NATO kimi deyil, üzv dövlətlər tərəfindən şüurlu şəkildə Ukraynanı onun müdafiəsində dəstəkləməyə, müharibənin NATO ilə Rusiya arasında müharibəyə çevrilməsinin qarşısını almağa yönəlib.

Kansler həmçinin bildirib ki, Ukrayna müharibədən sonrakı vəziyyətdə təhlükəsizlik zəmanəti almalıdır.

Şolts qeyd etdi ki, təhlükəsizlik zəmanətləri məsələsi ayrıca qeyd olunmalıdır. “Eyni zamanda, kimin konkret zəmanət verə biləcəyi sualı da var”, - o əlavə edib.

QAZİLER.AZ