Böyük Britaniyada yüksək inflyasiya ərzaq bazarını sarsıdıb.

Qaziler.az Türkiyə mətbuatına istinadən bildirir ki, paytaxt Londonda bir supermarketdə qəhvə qiymətlərinin qalxmasından sonra oğurluğun qarşısını almaq üçün saxta qəhvə qabları yerləşdirilib.

Walthamstow şəhərindəki bir  mağazada inflyasiya səbəbindən qiyməti kəskin şəkildə qalxan hazır qəhvə qablarında "saxta" məhsullardan istifadə edilib.

Bankaların birində üzərində "Bu məhsul maketdir, satış üçün nəzərdə tutulmayıb, zəhmət olmasa bir işçidən kömək istəyin" yazılıb.

Françayzinq modeli ilə işləyən supermarketin meneceri bildirib ki, onun prioriteti işçilərin təhlükəsizliyini qorumaqdır, çünki oğurluq baş verə bilər.

Milli Statistika İdarəsinin məlumatına görə, keçən il hazır qəhvənin qiyməti 13 faiz artıb.

Rusiyanın keçən il Ukraynaya qeyri-qanuni müdaxiləsi fonunda ərzaq qiymətləri kəskin artıb.

Britaniya Pərakəndə Satış Konsorsiumu (BRC) və Nielsen tərəfindən aparılan sorğuya əsasən, may ayına qədər ərzaq inflyasiyası 15,4 faizə düşüb.

Bununla belə, ərzaq məhsulları, qəhvə, şokolad və qeyri-ərzaq mallarında ümumi inflyasiya səviyyəsi yeni 9 faizə çatıb.

QAZİLER.AZ