Belçikanın vəliəhd şahzadəsi Elizabet ordunun bu yay keçiriləcək hərbi təlim düşərgəsində iştirak edəcəyini açıqlayıb.

Qaziler.az AA-ya istinadla xəbər verir ki, 21 yaşlı şahzadə Elizabet iyul ayında düşərgədən əvvəl Kral Hərbi Akademiyasında hazırlıq kursunda iştirak edib.

Kral ailəsi Akademiyada istifadə edilən silahlar dəyişdirildiyi üçün şahzadə Elizabetin kursda yeni silahlarla atış təlimi keçdiyini açıqlayıb.

Şahzadənin xüsusi təyinatlıların istifadə etdiyi tüfənglə atəş açdığı fotoları da yayımlanıb.

Qeyd edilib ki, belçikalı şahzadə 2021-ci ilin yayında akademiyanın üç həftəlik yay düşərgəsində hərbi təhsil alıb və 1 illik hərbi təlimini başa vurub.

QAZİLER.AZ