İfaçının qardaşının mövqeyi rusiyayönümlüdür.

Qaziler.az bildirir ki, Polşanın “Eurovision 2023” təmsilçisi müğənni Blanka qalmaqala düşüb.

Məlum olub ki, ifaçının qardaşı Oliverin mövqeyi rusiyayönümlüdür. Belə ki, bunu Blankanın "Eurovision 2023"-də iştirakından narazı qalan polyaklar Tik Tokda bildiriblər.

Onlar Oliverin Facebook-da "hər şey o qədər də birmənalı deyil", "Kiyev nasistləri" və "xilaskarlar" haqqında rus təbliğatı apardığı paylaşımlar aşkara çıxarıblar.

Müğənninin qardaşı qalmaqallı paylaşımı artıq Facebook-dan silib.

Xatırladaq ki, bu il Polşanı "Eurovision 2023"-də müğənni Blanka "Solo" mahnısı ilə təmsil edib. O, müsabiqədə 19-cu yeri tutaraq 93 xal qazanıb, onlardan 12-ni Ukraynadan olan tamaşaçılar, 6 xalı isə Ukrayna münsiflər heyəti verib.

Polşalılar hələ 2Eurovision 2023" başlamamışdan əvvəl onun müsabiqədə iştirakından narazı idilər.

QAZİLER.AZ