NATO Yaponiya ilə Alyansın Tokioda ofisinin açılması imkanını müzakirə edir.

Qaziler.az bildirir ki, bu barədə NATO-nun baş katibi Yens Stoltenberqə istinadən CNN telekanalında məlumat yayılıb.

"Bəli, biz Yaponiya ilə Tokioda NATO ofisinin açılmasını müzakirə edirik. NATO-nun tərəfdaş ölkələrdə bir neçə ofisi var və Yaponiya NATO üçün çox yaxın və vacib tərəfdaşdır", - o deyib.

Stoltenberq qeyd edib ki, təhlükəsizlik regional olmaqdan çıxıb - o, qlobaldır.

“Avropada baş verənlər Asiya üçün, Asiyada baş verənlər isə Avropa üçün vacibdir".

NATO-nun baş katibi əlavə edib ki, Pekin Ukraynadakı hadisələri diqqətlə izləyir.

Xatırladaq ki, Yaponiyanın ABŞ-dakı səfiri Kodzi Tommita NATO-nun Tokioda ofisini açmaq niyyətini təsdiqləyib.

QAZİLER.AZ