ABŞ Konqresinin Nümayəndələr Palatasının Profil Komitəsi Ağ Evi və Pentaqonu Ukraynadakı ABŞ hərbçilərinin sayı barədə məlumatı açıqlamağa məcbur edən qətnaməni təsdiqləyib.

Qaziler.az “RİA Novosti”yə istinadla xəbər verir ki, komitənin 22 üzvü sənədin lehinə, 20-si isə əleyhinə səs verib.

Sənəd komitə üzvlərinin əksəriyyəti tərəfindən dəstəklənərsə, prezident Co Bayden və Pentaqonun rəhbəri Lloyd Ostin iki həftə ərzində qanunvericilərə tələb olunan məlumatları təqdim etməli olacaqlar.

Daha əvvəl xəbər verildiyi kimi, qətnamənin müəllifi respublikaçı konqresmen Mett Goetz olub. Siyasətçi sənədi Pentaqonun Gizli Sənədlər Şəbəkəsinə sızmasından sonra hazırlayıb. Hazırda Ukraynada ən azı 14 ABŞ xüsusi təyinatlısı yerləşdirilib. Konqresmen qeyd edib ki, bu fakt ABŞ-ın Rusiya ilə münaqişədə iştirak riskini artırır.

QAZİLER.AZ