RepRap (Replicating Rapid Prototyper) təşəbbüsünün “RevarBat” nikli üzvü “Snappy” adlı 3D printer modeli yaradıb. Bu printerin böyük hissəsini elə 3D printerinin özü vasitəsilə hazırlamaq olur.

İKT.lent.az-ın verdiyi məlumata görə, çap olunan 61 ədəd detaldan başqa, “Snappy”ni hazırlamaq üçün şüşə, podşipnik, enerji doldurulma bloku, mühərriklər və elektronika tələb olunur. Detallar bir-birinə bağlanır. Printer saniyədə 60 mm sürətlə çap edir. Müəllif bu cür qurğunun qiymətinin 300 dollar olduğunu bildirib.

Qeyd edək ki, təkrara istehsal mexanizmlərinin hazırlanması məqsədilə yaradılmış RepRap təşəbbüsü 2005-ci ildən mövcuddur. 2008-ci ilə qədər RepRap qrupunun “1.0 Darwin” printeri artıq öz detallarının yarıdan çoxunu cap edəcək səviyyəyə gəlib.