Kosmosda görülən işlərin keçmişi 70 il əvvələ gedib çıxır. Kosmosda fəaliyyətə başlayan ölkələr yeni kəşflər etmək, planetlər, qalaktikalar və dərin kosmos haqqında daha çox məlumata sahib olmaq üçün oradakı missiyalarını davam etdirirlər.

Qaziler.az AA-ya istinadla xəbər verir ki, ABŞ Milli Aeronavtika və Kosmik Agentliyi (NASA), Rusiya Federal Kosmik Agentliyi (Roskosmos), Çin Milli Kosmik İdarəsi (CNSA) və 22 Avropa ölkəsinin töhvə verdiyi Avropa Kosmik Agentliyindən (ESA) başqa, dünyada 70-dən çox kosmik agentlik var.

Adətən texnoloji cəhətdən inkişaf etmiş və ya yüksək hərbi xərcləri olan ölkələrdə yerləşən özəl kosmik agentliklərin, eləcə də kosmik agentliklərin sayı günü-gündən artır. Bunlardan başlıcası kosmik turizmə əsaslanan “SpaceX” və “Blue Origin”dır.

Ümumdünya Əhali İcmalına görə, 2022-ci ilin ortalarına qədər dünyanın kosmik agentliklərindən yalnız 16-sı kosmosa buraxıla biləcək gücə malik olub. Bundan əlavə, yalnız 7-si Aya, Marsa və ya dərin kosmosa araşdırma maşını göndərmək qabiliyyətinə malik idisə, indiyə qədər yalnız 3-ü insanlı kosmik uçuşlar həyata keçirib.

ABŞ, Rusiya və Çindən başqa, ESA (əksər Avropa ölkələri), İtaliya Kosmik Agentliyi (ASI), Hindistan Kosmik Tədqiqatlar Mərkəzi (ISRO) və Yaponiya Aerokosmik Tədqiqatlar Agentliyi (JAXA) kosmosa peyklər və tədqiqat aparatları göndərib.

Fransa Milli Kosmik Tədqiqatlar Mərkəzi (CNES), Avstraliya Kosmik Agentliyi (ASA), Braziliya Kosmik Agentliyi (AEB), İran Kosmik Agentliyi (ISA), İsrail Kosmik Agentliyi (ISA), Keniya Kosmik Agentliyi (KSA), Cənubi Koreya Kosmik Tədqiqatlar İnstitutu ( KARI), Şimali Koreyanın Milli Kosmik İnkişaf İdarəsi (NADA) və Ukraynanın Dövlət Kosmik Agentliyi (SSAU) kosmosa peyk buraxan ölkələr sırasındadır.

QAZİLER.AZ