“Ukrayna ilə vahid dövlət yaratmaq ehtimalı təhlükəlidir, Varşavanın maraqlarına cavab vermir və reallıqdan uzaqdır”.

Qaziler.az  “news.ru”ya istinadla xəbər verir ki, bu fikirləri Polşanın Rusiyadakı keçmiş səfiri Katarjina Pelçinskaya-Nalenç RMF FM radiostansiyasının efirində səsləndirib. O, etiraf edib ki, birlik ideyasının özü bəziləri üçün cəlbedici görünə bilər, lakin onun həyata keçirilməsi mümkün olmayacaq.

“Polşa-Ukrayna ittifaqının yaradılması ilə bağlı hər hansı proqnozlar mənə qeyri-real, təhlükəli və yanlış görünür”, - o bildirib.

Onun sözlərinə görə, vahid dövlətin yaradılması hər iki ölkə üçün iqtisadi, sosial və siyasi rifaha gətirib çıxarmayacaq.

QAZİLER.AZ