Avropada səhiyyə işçilərinin həll edilməmiş problemləri sistemin çökməsinə gətirib çıxarıb.

Qaziler.az TRTHaber-ə istinadla xəbər verir ki, həmin ölkələrdən biri olan İspaniyada 800 minə yaxın insanın əməliyyat üçün növbə gözlədiyi açıqlanıb. İspaniya Səhiyyə Nazirliyinin məlumatına görə, ölkədə əməliyyat üçün orta gözləmə müddəti 122 gündür. Neyrocərrahiyyədə əməliyyat üçün gözləmə müddəti 203 gün, plastik cərrahiyyədə isə 242 günə qədər ola bilər.

Ən işlək bölgələr Kataloniya, Andalusiya, Madrid və Valensiyadır.

Mütəxəssis həkimin qəbuluna yazılmaq üçün 60 gündən çox gözləməli olanların nisbəti yüzdə 65 civarındadır.

Fransada həkimi olmayan 714 min xroniki xəstəliyi olan xəstə var. Ölkədə 6 milyon insanın tibbi xidmət ala bildiyi ailə həkimi yoxdur. Fransa Səhiyyə Nazirliyi ağır və uzun müddətli xəstəlikləri olan, lakin həkimi olmayan 714 min insana ilin sonuna qədər xidmət göstərməyi hədəflədiyini açıqlayıb. Bunlar əsasən şəkərli diabet, xərçəng və psixi pozğunluğu olan xəstələrdir.

Hökumət fəaliyyət planının bir hissəsi olaraq, koronavirus dövründə peşəsini tərk etmiş tibb işçilərinin geri qayıtması üçün qaplarını açıb.

QAZİLER.AZ