Misir kütləvi informasiya vasitələri ölkənin Daxili İşlər Nazirliyinə istinadla bildirirlər ki, Sinay yarımadasının şimalında naməlum şəxslər Misir DİN-in mərkəzi təhlükəsizlik xidməti generalını güllələyiblər.
General Əl-Ariş şəhərində təhlükəsizlik qüvvələri postlarının vəziyyətini yoxlayarkən naməlum şəxslər ona atəş açıblar.Xatırladaq ki, son iki həftədə Misirin təhlükəsizlik qüvvələri Sinay yarımadasının şimalında antiterror əməliyyatı keçirirlər. Hüquq-mühafizə orqanlarının verdiyi məlumata görə, bu müddətdə yüzdən çox ekstremist məhv edilib.
