Ukrayna Xarici İşlər Nazirliyi Ukrayna diplomatiyası tarixində görünməmiş addım atıb və vakant səfir vəzifələrinə açıq işə qəbulu nəzərdə tutan yeni mexanizm yaradıb.

Qaziler.az UNİAN-a istinadla xəbər verir ki, bu barədə departamentin rəhbəri Dmitri Kuleba “facebook” səhifəsində məlumat verib. O bildirib ki, yeni prosedur həm sistem daxilindəki diplomatlara, həm də xaricdən gələn şəxslərə səfir vəzifəsinə namizədliyini irəli sürməyə imkan verəcək:

"Biz görünməmiş bir addım atırıq - həm sistem daxilindəki diplomatlara, həm də xaricdən gələn insanlara səfir vəzifəsinə namizədliyini irəli sürmək imkanı verən açıq mexanizm yaradırıq. Artıq XİN-in saytında müvafiq səhifə yaradılıb. “Vakansiyalar” bölməsi”.

QAZİLER.AZ