Düşərgədə yanğın oldu

Banqladeşdə Rohinca qaçqınlarının məskunlaşdığı düşərgədə baş verən güclü yanğın nəticəsində bir çox evə ziyan dəyib.

Ölkənin cənubunda 1 milyondan çox Rohinca müsəlmanının yaşadığı cənub-şərq sərhəd bölgəsi olan Koks Bazarda 11 saylı düşərgədə yanğın baş verdiyi zaman 2000 çadır yandırılıb, 12 min insan isə didərgin düşüb. Səlahiyyətlilər yanğının səbəbinin hələ müəyyən edilmədiyini bildirsələr də, vəziyyətin nəzarət altında olduğunu bildiriblər. Düşərgədəki 35 məscid və 21 təlim mərkəzinin yanğın nəticəsində dağıdıldığı, ölən və yaralananların sayı barədə hələlik məlumat verilmədiyi qeyd edilir.

QAZİLER.AZ