Böyük Britaniyanın Müdafiə Nazirliyinin rəhbəri Ben Uolles Ukraynadakı münaqişə fonunda Britaniya ordusunun hərbi texnikasının dəyişdirilməsinə ciddi ehtiyac olduğunu bildirib.

Qaziler.az xəbər verir ki, o bu barədə “Conservative Home” informasiya portalına müsahibəsində deyib. O vurğulayıb ki, mövcud vəziyyət ölkənin silahlı qüvvələrinin müasirləşdirilməsi ilə bağlı layihələrin icrasının sürətləndirilməsini tələb edir:

“Biz ordunu modernləşdirməliyik. Ordu təqribən 15 il əvvəl köhnəlib və biz onu həqiqətən yenisiylə əvəzləməliyik: insanların deyil, texnikasının dəyişdirilməsinə ciddi ehtiyac var”, - Uolles bildirib.

Qeyd edək ki, “Daily Mail”in yaydığı xəbərə görə Böyük Britaniyanın baş naziri Rişi Sunakın bu həftə sonu ABŞ-a səfəri zamanı Krallığın müdafiə xərclərini artıracağını elan edəcəyi gözlənilir.

QAZİLER.AZ