İraq hakimiyyəti Vaşinqtonun Suriyaya uçan Rusiya təyyarələri üçün hava məkanının bağlanılması ilə bağlı ABŞ-ın sorğusunu cavabsız qoyub. APA-nın “Gazeta.ru”ya istinadən verdiyi xəbərə görə, bu barədə “Tasnim” xəbər agentliyi məlumat yayıb.
Məlumatda qeyd edilir ki, amerikalı diplomatlar Bolqarıstanı nümunə gətirərək İraqdan hələ sentyabrın 5-də Suriyaya uçan Rusiya təyyarələri üçün hava məkanın bağlamağı xahiş ediblər. İraq tərəfi cavabında bu məsələni nəzərdən keçirdiyini bildirib, lakin ABŞ-ın sorğusuna rəsmi cavab verməkdən boyun qaçırıb.
Qeyd edək ki, bundan əvvəl Bolqarıstan Suriyaya humanitar yardımla uçan Rusiya təyyarələri üçün hava məkanını bağlayıb.
