Hərbi ekspert Oleq Jdanov Amerikanın dördüncü nəsil qırıcıları “F-15” və “F-16”nın necə fərqləndiyini açıqlayıb.

Qaziler.az UNİAN-a istinadla bildirir ki, ekspertin qeyd etdiyinə görə bu təyyarələri müqayisə etmək tamamilə düzgün deyil. Belə ki,  “F-15” klassik qırıcı, “F-16” isə universal platformadır.

Jdanov bildirib ki, F-15 sırf hava döyüşü üçün yaradılıb, başqa əməliyyatlar üçün nəzərdə tutulmayıb:

"F-15 çox manevr edə bilən və iki mühərrikli yüksək sürətli təyyarədir. Qırıcıların ən yaxşısıdır. Onlar yaradılarkən sovetin MiQ təyyarələri ilə üzləşiblər. Onlar taktiki-texniki xüsusiyyətlərinə və döyüş keyfiyyətlərinə görə MiQ-lərı üstələyirlər. MiQ-lər “F-15” ilə üz-üzə gəlməkdən çəkinirlər”.

“F-16 yüngül, sürətli, manevr edə bilən, çoxfunksiyalı bir təyyarədir, bir neçə növ missiyanı yerinə yetirməyə qadirdir. O, qırıcı, ələ keçirən, bombardmançı və hücum təyyarəsi rolunu yerinə yetirə bilər”, - deyə Jdanov qeyd edib:

Ekspertin sözlərinə görə, F-16 ballistik raketləri də ələ keçirməyə qadirdir.

QAZİLER.AZ