Almaniya miqrant axınının öhdəsindən gəlmək üçün bu gecədən etibarən Avstriya ilə sərhəddə nəzarət xidməti tətbiq etməyə başlayıb. Trend "RİA Novosti" agentliyinə istinadən xəbər verir ki, yüzlərlə polis əməkdaşının iştirakı ilə pasportların yoxlanışı davam edir.
Almaniya rəsmiləri bu addımın müvəqqəti xarakter daşıdığını bildiriblər.Dublin razılaşmasına əsasən iddiaçı sığınacaq üçün ilk daxil olub qeydiyyatdan keçdiyi ölkədə müraciət edə bilər. Bu səbəbdən də əksər mühacirlər Almaniyaya üz tutmuşdu.
