Aİ-nin Rusiyaya qarşı sanksiyalarına daha bir ölkə qoşulub.

Qaziler.az TASS-a istinadla xəbər verir ki, İsveçrə Avropa İttifaqı tərəfindən əvvəllər təsdiq edilmiş doqquzuncu anti-Rusiya sanksiyalar paketinə qoşulub.

Sanksiyalar Rusiyaya bazar araşdırması və rəy sorğusu xidmətlərinin göstərilməsinə qadağa yaradacaq və ikili təyinatlı məhsulların ixracının məhdudlaşdırılmasına nəzarəti gücləndirəcək. Bundan əlavə, sanksiyalar çərçivəsində aviasiya və kosmik sənayedə istifadə olunan malların, məsələn, təyyarə mühərrikləri və PUA-ların Rusiyaya tədarükünə qoyulan qadağa genişləndiriləcək. Tədbirlər yanvarın 25-də Moskva vaxtı ilə saat 20:00-da qüvvəyə minəcək.

Federal Şura yanvarın 25-dən qüvvəyə minən 9-cu raund sanksiyalarının qalan tədbirlərini həyata keçirməyə başlayacaq. Hesabatda deyilir ki, bu tədbirlərə məhsulların sınaqdan keçirilməsi, reklam, bazar araşdırması, eləcə də ictimai rəy sorğularının aparılması sahəsində xidmətlərə qadağa daxildir.

Daha əvvəl İsveçrənin iqtisadiyyat naziri Qay Parmelin ölkə rəhbərliyinin dondurulmuş Rusiya aktivlərini Ukraynaya keçirməkdən imtina etməsini belə hərəkətlərin mülkiyyət hüququnu pozması ilə izah edib. Nazir Rusiya-Ukrayna münaqişəsində Kiyevi dəstəkləməsinə baxmayaraq, beynəlxalq hüququn tərəfində olduğunu vurğulayıb.

QAZİLER.AZ