İran İsveçdə Qurani-Kərimin təhqir olunmasını kəskin şəkildə pisləyir.

Axar.az xəbər verir ki, bu barədə İran Xarici İşlər Nazirliyinin sözçüsü Nasir Kənani öz çıxışı zamanı bildirib.

“Təəssüflər olsun ki, bəzi Avropa ölkələri söz azadlığını dəstəkləmək kimi saxta bəhanə ilə islami dəyərlərinə qarşı nifrət və cəmiyyətdə islamofobiya yaradırlar. Bir milyard yarım müsəlmanın müqəddəs kitabının təkrar təhqir olunması bütün müsəlmanlara qarşı nifrət və zorakılığı təbliğ etməyin bariz nümunəsidir və bu cür hərəkətlərin söz və fikir azadlığı ilə heç bir əlaqəsi yoxdur. Müsəlman dünyası İsveç hökumətindən bu cür anti-islam davranışlarının təkrarlanmasının qarşısını almasını və müsəlmanların hisslərini incidənlərin cəzasız qalmasına imkan verməməsini gözləyir”, - Kənani deyib.

Qeyd edək ki, İsveçdə Türkiyə səfirliyi önündə keçirilən aksiyada Qurani-Kərim yandırılıb.