Namibiyada  brakonyer timsahın hücumu nəticəsində yaralanıb.

Qaziler.az lenta.ru-ya istinadən bildirir ki, Namibiyada 15 uşaq atası timsahın hücumu nəticəsində yaralanıb. 

Lakin o brakonyer hesab edildiyi üçün pul təzminatı ala bilməyib. Bu barədə "Namibian" məlumat yayıb.

Hadisə 2022-ci il dekabrın sonunda, 47 yaşlı Lukas Çihinqa iki dostu ilə Okavanqo çayında balıq tutarkən baş verib. "Biz Yeni il üçün balıq ovuna getdik, bir az balıq tutduqdan sonra ikinci dəfə ova çıxanda  timsah budumdan tutdu. Mən dostlarımı xəbərdar etmək üçün qışqırmağa başladım. Sürünənlə döyüşməyə başladım, xoşbəxtlikdən o məni buraxdı", - deyə həmin şəxs bildirib.

Dostları balıqçıya sahilə çıxmağa kömək edib və onu xəstəxanaya çatdırmaq üçün taksi çağırıblar. O, hələ də tibb müəssisəsindədir. Namibiyalı odun satmaqla və uşaqlarını doyurmaq üçün təsadüfi işlərlə dolanır. Hələ xəstəxanada nə qədər qalacağını da bilmir. O, xəstəxanada olduğuna görə uşaqlarının ac qalacağından narahatdır.

Çihinqa kömək üçün Namibiyanın Ətraf Mühit, Meşəçilik və Turizm Nazirliyinə müraciət edib. Nazirliyin rəhbəri Riçard Eynqura hadisə ilə bağlı araşdırma aparıldığını bildirib. Məlum olub ki, zərərçəkmiş balıq tutmaq üçün tordan istifadə edib, suda belinə qədər dayanıb və heç bir təhlükəsizlik tədbirinə əməl etməyib. Ölkədə torla balıq ovu qadağan olunduğu üçün ona kompensasiya verilməyəcək.

QAZİLER.AZ