Braziliyalı 43 yaşlı balıqçı David Soares Atlantik okeanda balıqçı qayığından suya düşüb. O, iki gün açıq okeanda qalıb və xilas edilib.

Qaziler.az lenta.ru-ya istinadən bildirir ki, bu barədə "G1 Globo" məlumat yayıb.

Hadisə dekabrın 25-də baş verib. Balıqçı San Joao da Barra şəhərindəki Atafona çimərliyi yaxınlığında balıq tutarkən baş verib. Bir anda Soares qayığın kənarına düşüb. O, geri dırmaşmağa çalışsa da, güclü cərəyan səbəbindən buna nail ola bilməyib.

Soareş panikaya düşməyib, hərəkəti məhdudlaşdıran paltarlarını çıxararaq Atlantik okeanının axını ilə üzməyə başlayıb..  Balıqçı 2 gün sağ qalmağa çalışıb. 

Narahat olan Soaresin ailəsi onu tapmaq üçün yerli balıqçılar cəmiyyətinə müraciət edib və balıqçının axtarışları uğurla tamamlanıb.

Tibbi yardım alan Soares iki gün sonra işə çıxıb. "Həyata fərqli gözlərlə baxmaq və daha yaxşı insan olmaq üçün ikinci şansım oldu" - deyir.

QAZİLER.AZ