Zelenskinin bu ölkəni Rusiyanın Ukraynaya qarşı soyqırım müharibəsində "ortaq" adlandırması İranın xoşuna gəlməyib.

Qaziler.az UNİANA istinadən bildirir ki, İran Xarici İşlər Nazirliyi Ukrayna prezidenti Vladimir Zelenskinin ABŞ Konqresindəki çıxışından narazıdır, çünki o, Ukraynaya qarşı müharibədə İran və Rusiya arasında müttəfiqliyi dayandırmağa çağırıb.

Bu barədə İran Xarici İşlər Nazirliyinin bəyanatında deyilir.

Xüsusən də İran Xarici İşlər Nazirliyinin sözçüsü Nasir Kənani ABŞ Konqresinin iclasında İran İslam Respublikasına qarşı işlənən “təkrarlanan ittihamlar və kobud ifadələri” pisləyib.

Sözçü deyib ki, İran hər zaman bütün ölkələrin, o cümlədən Ukraynanın ərazi bütövlüyünə hörmət edib və "cənab Zelenski yaxşı olar bilsin ki, İranın bu cür əsassız ittihamlara qarşı strateji səbri sərhədsiz deyil"

QAZİLER.AZ