Futbol üzrə 2018-ci ildə təşkil olunacaq dünya çempionatının seçmə mərhələsi çərçivəsində Malayziya ilə Səudiyyə Ərəbistanı milli komandaları arasında keçirilən oyun 88-ci dəqiqədə azarkeşlərin tribunalarda yaratdığı qarışıqlıq səbəbindən təxirə salınıb.
Malayziyada keçirilən görüş qonaqlar hesabda üstün (2:1) olarkən dayandırılıb. Ev sahibi komandanın azarkeşləri meydançaya fişənglər atmağa başladıqdan sonra hakim oyunu dayandırmaq qərarına gəlib. Oyunun nə vaxt başa çatdırılacağı barədə məlumat verilmir.Futbol üzrə növbəti dünya çempionatı 2018-ci il iyunun 14-dən iyulun 15-dək Rusiyanın 11 şəhərində keçiriləcək.
