Türkiyənin Hərbi Hava Qüvvələri İraqın şimalındakı PKK düşərgələrini bombalayıb. APA TV-nin "Euronews"a istinadən verdiyi məlumata görə, Türkiyənin 50 təyyarəsi terrorçuların bazalarına 130 zərbə endirib. Antiterror əməliyyatları zamanı 40 terrorçunun öldürüldüyü qeyd edilir.
Keçirilən hərbi əməliyyatın PKK-nın Hakkaridə 16 hərbçini şəhid etməsinə cavab olduğu bildirilir.Hakkaridəki hadisədən sonra Türkiyənin müxtəlif ərazilərində PKK-nın qanadı olan HDP-nin 120 partiya təşkilatının binasına sadə vətəndaşlar tərəfindən hücumlar təşkil edilib.
