Türkiyə Prezidenti Rəcəb Tayyib Ərdoğanın göstərişi ilə energetika və təbii sərvətlər naziri Fatih Dönməz və daxili işlər naziri Süleyman Soylu Bartın vilayətində daş kömür mədənindəki partlayış baş verən əraziyə yola düşüblər.
Qaziler.az xəbər verir ki, hadisə yerində axtarış-xilasetmə işləri davam etdirilir.
Qeyd edək ki, Türkiyənin Bartin vilayətinin Amasra rayonunda daş kömür mədənində partlayış baş verib. Dağıntılar altında ümumilikdə 87 nəfər olub, onlardan 11-i yaralı halda çıxarılıb.
