Rusiya prezidenti Vladimir Putin Uzaq Şərqə səfəri zamanı Çinin baş nazirinin müavini və amerikalı aktyor Stiven Siqalla Rusiya adasındakı okeanariumda olub. Okeanariumun binasının qarşısında prezidenti Primorya qubernatoru və amerikalı aktyor Stiven Siqal qarşılayıb.

Çin Xalq Respublikasının baş nazirinin müavini Van Yan Putinlə Siqalın güləşçi kimi bənzərliklərini dilə gətirib və hətta onlara bir-birinə qarşı rinqə çıxmağı təklif edib.

"Mən bunu etməzdim" — deyə zarafatla Putin bu rinqdən imtina edib.

Stiven Siqal onun bu reaksiyasına gülərək cavab verib və Rusiya prezidentinin əlini sıxaraq, ona öz hörmətini nümayiş etdirib.

Daha sonra onlar okeanariumun binasına daxil olublar və Putinə bir neçə aydan sonra köpək balığı, balıqlar və digər dəniz məhsulları buraxılacaq su ilə doldurulmuş akvarium göstərilib.