“İsveç artıq qərarını verməlidir”.
Qaziler.az “Star.com.tr”yə istinadən bildirir ki, bunu Türkiyənin milli müdafiə naziri Hulusi Akar deyib.
O söyləyib ki, İsveç Türkiyə ilə bağlı silah sanksiyasını ləğv etməsinə baxmayaraq, hələ də terrorçuları dəstəkləyir: “Ora terrorçular üçün sığınacaq olmamalıdır”.
H.Akar, həmçinin Türkiyə Silahlı Qüvvələrinin terrorçulara qarşı mübarizəsinin davam edəcəyini bildirib.
Qeyd edək ki, İsveç ötən həftə Türkiyəyə qarşı silah sanksiyasını ləğv edib. Rəsmi Ankara bu ölkədən terrorçuların təhvil verilməsini də tələb edir.
