"Taliban" hərəkatının silahlıları keçmiş liderləri Molla Məhəmməd Ömərin ölümünü iki il gizlədiblər.

APA TV-nin xəbərinə görə, bu barədə məlumat hərəkatın saytında yerləşdirilib.

Taliblərin yeni lideri Molla Axtar Mənsurun tərcümeyi-halında deyilir ki, Molla Ömərin ölümünü sirr kimi saxlamaq qərara alınıbmış. Onun məhv edildiyini yalnız bir neçə yaxın adamı bilib.

"Taliban"ın məlumatlında deyilir ki, hərəkat rəsmiləri Molla Ömərin sağlığında tərəfdarları arasındakı nüfuzunu nəzərə alaraq, NATO kontingenti ilə qarşıdurma başa çatanadək onun ölümünün gizlədilməsini məqsədəuyğun sayıb. "Taliban" Molla Ömərin 2013-cü ilin aprelində öldüyünü indi təsdiqləyir. Bu, vaxtilə Əfqanıstan kəşfiyyatının yaydığı məlumatdakı tarixlə uyğun gəlir.

Qeyd edək ki, Amerika kəşfiyyatı da "Taliban" lideri Molla Ömərin öldüyünü təsdiqləyib.