İspaniyada meymunçiçəyindən ilk ölüm faktı qeydə alınıb.
"Report" EFE agentliyinə istinadən xəbər verir ki, bu barədə yerli Səhiyyə Nazirliyi açıqlama yayıb.
Nazirliyin məlumatına görə, krallıqda xəstəliyə 4 300-ə qədər şəxs yoluxub.
İyulun 23-də Ümumdünya Səhiyyə Təşkilatı (ÜST) meymunçiçəyi xəstəliyinə görə fövqəladə vəziyyət elan edib. Bu günə qədər dünyanın 78 ölkəsində 21 mindən çox insan xəstəliyə tutulub.
ÜST-ün məlumatına görə, meymunçiçəyi epidemiyası üçün ölüm nisbəti 1-10 % arasındadır.
