2018-ci ilə Niderlandın dəmir yolları tamamilə külək elektrik enerjisi ilə işləyəcək.

AZƏRTAC "nplus.ru" saytına istinadla xəbər verir ki, dəmir yollarının uzunluğu 2 min 900 kilometrdir. İllik elektrik enerjisinin sərfiyyatı isə 1,4 teravatt saata bərabərdir. Hazırda Niderlandın "ProRail" dövlət şirkətinin nəzarəti altında olan elektrik dəmir yolları ehtiyacının 50 faizi külək enerjisi ilə təmin olunur. Layihədə "Eneco" enerji şirkəti və "VIVENS" konsorsiumu iştirak edir. Konsorsiumun qiymətləndirməsinə görə, dəmir yollarının külək elektrik enerjisinə tam keçidi ölkədə karbon qazının tullantılarının ümumi həcmini ən azı 20 faiz azaltmağa imkan verəcək.