Yüngül atletika üzrə ikiqat olimpiya çempionu Sebastyan Kou Beynəlxalq yüngül atletika federasiyaları assosiasiyasının (IAAF) prezidenti seçilib.
AZƏRTAC TASS informasiya agentliyinə istinadla xəbər verir ki, səsvermə IAAF-ın avqustun 19-da Pekində keçirilən konqresi zamanı baş tutub. Səsvermədə Kounun yeganə rəqibi ukraynalı Sergey Bubka idi. Sebastyan Kou 115 nəfərin etibarını qazanmaqla, 92 səs toplayan Bubkadan üstün olub.
