İndoneziya polisinin yaydığı məlumata əsasən, ölkənin şərq əyaləti olan Papuanın Yalimo rayonunda torpaq sürüşməsi nəticəsində səkkiz nəfər həlak olub.

Məlumatda qeyd edilir ki, əraziyə göndərilmiş xilasedicilər fasiləsiz yağış səbəbindən ciddi çətinliklə qarşılaşıblar. Kütləvi informasiya vasitələrinin verdiyi məlumata görə isə leysan yağışları onları geri dönməyə məcbur edib.

Mütəxəssislər İndoneziyada torpaq sürüşmələrinin artmasının səbəbini son vaxtlar meşələrin daha çox qırılması ilə izah edirlər. 2014-cü ilin dekabrında Mərkəzi Yava əyalətinin Cemblunq şəhərində baş vermiş torpaq sürüşməsi nəticəsində 100-dən artıq insan həlak olmuş və ya itkin düşmüşdü