Böyük Britaniyada qırıcı təyyarə qəzaya uğrayaraq, magistral yolda olan avtomobillərə çırpılıb, nəticədə 7 nəfər ölüb. APA-nın “BBC”yə istinadən verdiyi xəbərə görə, qəza İngiltərənin cənubundakı Qərbi Susseks qraflığında “Shoreham Airshow” aviaşousu zamanı baş verib.
“Hawker Hunter” tipli qırıcı-bombardmançı təyyarənin “A27” magistral avtomobil yoluna düşdüyü bildirilir. Hazırda yolda nəqliyyatın hərəkəti məhdudlaşdırılıb.
Şahidlərin sözlərinə görə, şou zamanı pilot manevri tamamlaya bilməyib, nəticədə təyyarə yola çırpılıb.
