Çinin Sıçuan əyalətində yağan leysan yağışları 11 nəfərin ölümünə səbəb olub, 13 sakin isə itkin düşüb.
Şiddətli yağışlar və daşqın əyalətin 16 qəsəbəsində və 6 şəhərində ümumilikdə 560 mindən çox insana ziyan vurub. Ölənlərin və itkin düşənlərin hamısı Suyon qəsəbəsindəndir. Qəsəbədə 35 ev dağılıb, kommunikasiya xətləri sıradan çıxıb, yollara böyük ziyan dəyib. Polis, hərbçilər və xilasedicilər itkin düşənlərin axtarışlarını davam etdirirlər.
