Rusiya Beynəlxalq Kosmik Stansiyasının ekipaj üzvü, pilot-kosmonavt Gennadi Padalka kosmosa 10-cu çıxışı zamanı selfi çəkib. İKT.lent.az-ın xəbərinə görə, foto “Roskosmos”un “Twitter” səhifəsində “#kosmoselfi” həştəqi ilə yerləşdirilib. Fotonun avqustun 10-da çəkildiyi bildirilib.

G. Padalka kosmosda ən çox vaxt keçirmək üzrə rekord əldə edib. 57 yaşlı kosmonavt ümumilikdə orbitdə 828 gün qalıb.

Qeyd edək ki, daha əvvəl – 2014-cü ildə amerikalı astronavt Stiven Suonson “İnstagram” səhifəsində öz selfisini yerləşdirib. Şəbəkədən bildiriblər ki, bu, onların tarixində birbaşa kosmosdan yüklənən ilk fotodur. İlk kosmik selfinin müəllifi isə amerikalı Bazz Oldrin (Buzz Aldrin) hesab olunur. O, 1966-cı ildə kosmik gəminin çölündə quraşdırılan kameranın köməyi ilə Yerin fonunda öz fotosunu çəkib.