İndoneziyanın Papua vilayətində qəzaya uğrayan ATR 42-300 təyyarəsinin qalıqları tapılıb.

APA-nın RİA Novosti agentliyinə istinadən verdiyi məlumata görə, yerli hüquq-mühafizə orqanları təyyarənin hava limanına enməyə 10 dəqiqə qalmış Oksibil şəhəri yaxınlığında qəzaya uğradığını bildirib.

“Trigana Air” aviaşirkətinə məxsus, göyərtəsində 54 sərnişin və ekipaj heyəti olan təyyarə avqustun 16-da yoxa çıxmışdır.

Hazırda təyyarənin qalıqlarının tapılması üzrə əməliyyat davam edir. Əməliyyatda 100-dək mütəxəssisin iştirak etdiyi bildirilir.