Zelenski Ukraynada dövlət çevrilişi hazırlandığını bildirib

Zelenski Ukraynada dövlət çevrilişi hazırlandığını bildirib backend

Ukrayna Prezidenti Volodimir Zelenski ölkədə dövlət çevrilişinin baş verəcəyi barədə məlumat aldığını bəyan edib.

APA-nın UNİAN-a istinadən verdiyi məlumata görə, o, bu barədə bu gün keçirdiyi mətbuat konfransında bildirib.

V. Zelenski bəyan edib ki, Ukrayna və Rusiyanın bəzi nümayəndələri arasında iş adamı Rinat Axmetovun ölkədə çevrilişdə mümkün iştirakı ilə bağlı müzakirələr barədə məlumat var.

"Deyə bilərəm ki, bizdə təkcə kəşfiyyat məlumatları deyil, hətta audio məlumatlar da var. Ukraynadan olan nümayəndələr Rusiya nümayəndələri ilə Rinat Axmetovun Ukraynada çevrilişdə iştirakı və bunun üçün 1 milyard dollar cəlb etmək məsələsini müzakirə edirlər. Hesab edirəm ki, Rinat Axmetovun mahiyyətində bu var. O, Ukrayna dövlətinə qarşı müharibədə iştirak edir. Məncə, buna başlayıb. Lakin bu onun böyük səhvi olacaq, çünki siz öz xalqınıza, Ukrayna xalqının seçdiyi prezidentə qarşı mübarizə apara bilməzsiniz”, - deyə V. Zelenski bildirib.

loading...
Diaspora