Türkiyənin Şırnaq vilayətində PKK terrorçuları hərbçilərə aid helikopteri atəşə tutublar. APA TV-nin türk mətbuatına istinadən verdiyi xəbərə görə, hadisə Türkiyənin İraq və Suriya ilə sərhədində qeydə alınıb. Atışma nəticəsində bir hərbçi şəhid olub.

Helikopter iznli əsgərləri daşıyıb. Onlar pulemyot və minaatanlardan atəşə tutulublar. Helikopter məcburi eniş edib. Türkiyə Jandarm Qüvvələrinin mayoru ağır yaralanıb və xəstəxanaya aparılarkən keçinib.

Bölgədə baş verən digər terror aktında isə 4 xüsusi təyinatlı polis şəhid olub. PKK silahlıları təhlükəsizlik qüvvələrinə məxsus nəqliyyat vasitəsinin keçəcəyi yola mina döşəyiblər. Bir polisin də ağır yaralandığı bildirilir. Şırnaqda PKK terrorçuları ilə təhlükəsizlik qüvvələri arasında atışmaların davam etdiyi bildirilir.