"Taliban bütün ölkələrlə, xüsusilə Türkiyə ilə xoş münasibətlər qurmaq istəyir".
Axar.az xəbər verir ki, bunu Talibanın mətbuat katibi Süheyl Şahin deyib.
“Türkiyə xalqı müsəlmandır və onlar bizim bacı-qardaşlamızdır. Türkiyə ilə çox yaxın əlaqələr qurmaq istəyirik”, - Şahin bildirib.
Onun sözlərinə görə, Taliban Ankara ilə bütün sahələrdə əməkdaşlığa çalışır:
“Biz təkcə möhkəm əlaqələr istəmirik, həm də istəyirik ki, aramızda qardaşlıq münasibətləri olsun”.
Şahin Türkiyə iş adamlarını Əfqanıstana gəlməyə və investisiya layihələrinə başlamağa çağırıb.
