Türkiyə Televiziya və Radio Yayım Şirkəti (TRT) ilə Qırğızıstanın KABAR milli xəbər agentliyi arasında anlaşma memorandumu imzalanıb.
AZƏRTAC Anadolu agentliyinə istinadla xəbər verir ki, anlaşma memorandumu Qırğızıstanın paytaxtı Bişkekdə baş tutub.
Memorandum KABAR agentliyinin direktoru Kubanıçbek Tabaldiyev və TRT daxili yayımlar departamentinin direktoru Süleyman Ərdal tərəfindən imzalanıb.
Anlaşmaya görə iki informasiya qurumu bütün sahələrdə verilən xəbərləri yayımlayacaq və işçi personalı baxımdan əməkdaşlıq edəcək.
