Ermənistanda avtomobil qəzaya düşməsi nəticəsində 1 hərbçi ölüb. ANS PRESS-in məlumatına görə, hadisə Sisian -İrəvan yolunda baş verib. Qəza zamanı DAF yük maşını ilə “Opel” markalı avtomobil toqquşub.

Avtomobillərdən birində olan sərnişin, 31 yaşlı hərbi qulluqçu Arsen Unanyan xəsarət alıb. O, xəstəxanaya çatdırılsa da, orada ölüb. Hadisə nəticəsində 2 nəfər də nəfər xəsarət alıb.

Qəza yerində olan həkimlərin sözlərinə görə, onların vəziyyəti orta ağır kimi qiymətləndirilir.

Ermənistan ordusunda analoji hallar tez-tez yaşanır. Bundan əvvəl içərisində 20 əsgərin olduğu hərbi maşın aşmışdı. Sisiyan rayonunun Anqexakot kəndi yaxınlığında Müdafiə Nazirliyinə məxsus “Ural” avtomobili aşıb.

Hadisə nəticəsində 20 hərbiçidən 3-ü yaralanmışdı.