Rusiyada universitetdə atışmada 8 nəfər ölüb, 28 nəfər yaralanıb - VİDEO

Rusiyada universitetdə atışmada 8 nəfər ölüb, 28 nəfər yaralanıb -  VİDEO backend

Rusiya İstintaq Komitəsi Perm Dövlət Milli Araşdırmalar Universitetində atışmada yaralananların sayı barədə dəqiq rəqəm açıqlayıb.

APA-nın məlumatına görə, İstintaq Komitəsindən atışmada 28 nəfərin yaralandığı bildirilib.

Bundan əvvəl silahlı insident nəticəsində 8 nəfərin həlak olduğu, 19 nəfərin yaralandığı açıqlanmışdı.

***

12.33

Rusiyada universitetdə atışmada yaralananların sayı dəqiqləşdirilib.

APA-nın məlumatına görə, Perm Dövlət Milli Araşdırmalar Universitetində atışmada 19 nəfər yaralanıb.

İstintaq Komitəsindən insident nəticəsində 8 nəfərin həlak olduğu açıqlanıb.

Hadisəni tələbələrdən birinin törətdiyi bildirilir. O, saxlanılan zaman polisə müqavimət göstərib. Polis onu atəşlə yaralayaraq ələ keçirib.

Yaralılara yardım üçün Moskvadan Permə təyyarə ilə tibbi ləvazimatlar göndərilib.

***

12.06

Rusiyada universitetdə atışmada ölənlərin sayı artıb.

APA-nın TASS-a istinadən verdiyi məlumata görə, Perm Dövlət Milli Araşdırma Universitetində atışmada ölənlərin sayə 8-ə yüksəlib, bir neçə nəfər yaralanıb.

***

11.51

Perm Dövlət Milli Araşdırmalar Universitetində baş vermiş silahlı insident nəticəsində 5 nəfər ölüb, 14 nəfər yaralanıb.

APA-nın xəbərinə görə, bu barədə TASS məlumat yayıb.

***

saat 11:27

Perm Dövlət Milli Araşdırmalar Universitetində tələbə travmatik silahdan atəş açıb.

APA-nın TASS-a istinadən verdiyi xəbərə görə, Rusiya Daxili İşlər Nazirliyi (DİN) ölənlərin olduğu barədə məlumat yayıb.

Rusiya Səhiyyə Nazirliyindən isə bildirilib ki, hadisə nəticəsində 10-dan çox şəxs yaralanıb.

Rusiya İstintaq Komitəsinin məlumatına görə, travmatik silahdan atəş açan şəxs adıçəkilən ali məktəbin tələbəsi olub və o saxlanılıb.

loading...
Aydinyol.az